Transcription
1
Monsieur, jay resu vos deux letres an date du X et XVI
2
de ce mois et ay veu le partemant de mesieurs d’Evènes
3
et de Laval du XIIII, qui me fait espérer que bientost
4
il arriveront isy. Ie suis bien marri que celle que ie
5
escrivois à monsieur d’Evènes que maviés ranvoier, ne
6
la trouvé là, car ie me trouve asés court dargant,
7
si èce que lon me proumet man bailler bien tost, mais
8
an matière de recouvrer debtes, ie ne crois que ce
9
que ie tiens pour resu, si tant estoit quon me tint
10
promese, ie navois qua fère dan fère venir de dela sur
11
quoy le plus tost que pouray, vous en donneray avis ;
12
et davant ne sera besouin sil vous plait vous metre
13
an peine pour man faire tenir. Mon fait de Dieppe nest
14
an rien avansé ; ie ne le puis solisiter et moins le veus-ie
15
importuner ; ilan sera ce quil plaira à Dieu. La longueur
16
me fache presque autant qun refus sil fut veneu
17
au coumancemant. Vous avés esté adverty par mesieurs
18
d’Hourches et Chastelard les plaintes que font seux de la
19
religion an ceste court de vous et vous ont anvoyé le
20
caier diselles. Ilia quelque tamps que ian dis un mot à
21
monsieur lamiral, luy priant nayouter foy à tant de
22
calonnies faucemant controvées que auquns particuliers
23
et pasionnés invantoint et quiluy plut vous garder
24
une oreille, ce quil me proumit. Depuis, il ne man
25
a point parlé. Si iavois charge de vous, ie luy dirois ce
26
quil vous plairoit me commander, à quoy iobéiray toute
27
ma vie et ce dausi bon cœur que très humblemant ie
28
me recommande à vostre bonne grace et de madame de Gordes,
29
priant Dieu quil vous doint
30
monsieur, an santé très heureuse bonne vie et longue. A
31
Paris, le dernier iour de juillet 1572
32
Vostre très humble et très obéissant
33
frère à iamais
34
De Simiane
35
Mon nepveu Gargas est an bonne santé, Dieu
36
mersi. Le plus jeune de monsieur de Roset a la petite
37
verolle. Ils ne sont logés en une mesme chambre.